Bawat Daan

Sa pagkumpas ng ‘yong kamay
Ang aking landas, ginagabay
Nag-iisang tiyak sa isang libong duda
Silong sa iyak, at pagluluksa

Kung puso ko ay imamapa
Ikaw ang dulo, gitna’t simula
Nahanap din kita (kay tagal kong naghintay)
Nahanap kita

At maligaw man at mawala
Umikot man sa kawalan
Sa bawat kailan, sino’t saan
Ikaw lamang ang kasagutan

Bawat kanan at kaliwa
Kanluran man o hilaga
Ang bawat daan ko ay patungo
Pabalik sa ‘yo

Kay tagal nang lumulutang
Walang pupuntahan walang dahilan
Parang ulap na walang dalang ulan
Kamang walang kumot at unan

Bihag ako ng pagtataka
May saysay ba ang paglalakbay
Ngunit nahanap din kita
Nahanap kita

At maligaw man at mawala
Umikot man sa kawalan
Sa bawat kailan, sino’t saan
Ikaw lamang ang kasagutan

Bawat kanan at kaliwa
Kanluran man o hilaga
Ang bawat daan ko ay patungo
Pabalik sa ‘yo

Kay tagal kong naghintay
Kung ang puso ko ay imamapa
Ikaw ang dulo, ang gitna’t simula

Kay tagal kong naghintay
Ikaw (ikaw)
Ikaw (ikaw)

‘Wag Na Tayong Mag-away

Album: Dalawang Mukha ng Pag-ibig (2011)

‘Wag na tayong mag-away
Ibaba mo na ang ‘yong kilay
Habang tinataas ko ang aking mga kamay
Kung ikaw ay mayroong tampo
Ako nama’y may pagsusumamo
Ngunit bakit ba ganito natin kailangan daanin?

Ang bawat problema, sagot ba ay gyera?
Bugbog na ang puso’t pareho pang talo
Ang ating gusot ay mayro’ng lusot
‘Wag nating dalhin, ‘wag sasayangin
Ang kay gandang simulain
Kaya ‘wag tayong mag-away, away-away

‘Wag na tayong mag-away
Puting bandila’y iwagayway
Walang mangyayari kung pride lang ang paiiralin

Ang yelo sa iyong puso
Tutunawin ng pag-ibig ko
‘Wag na tayong dumagdag sa gulo ng mundo

‘Wag na tayong mag-away
Bibigat lang ang buhay
Walang mangyayari kung pride lang ang paiiralin

Isa pang pagkakataon…

Ikaw Ang Aking Tahanan

Album: Dalawang Mukha ng Pag-ibig (2011)

Gabi at umaga
Ang agwat nating dalawa
Sa pagitan ay mga bitwing
Tila kulang ng ningning

Nagsusumikap
Nagpapakahirap
‘Di makatulog ng mahimbing
Sa kamang hindi akin

Malayo man ikaw lamang ang
Laman ng aking isipan
Malayo man ikaw pa rin,
Ikaw lamang ang aking tahanan

Tinitiis ang lamig
Alang-alang sa pag-ibig
‘Di madali ang buhay na
Pinili para sa akin ng tadhana

Ngunit ngayong gabi
Ang tanging nais lamang
Ay humiga sa iyong tabi
‘Wag sa kamang hindi akin

Ikaw lamang ang nag-iisang tahanan

Lapit

Album: Dalawang Mukha ng Pag-ibig (2011)

Lapit, ligtas ka na sa aking piling
Malayo sa lumbay
Kaya’t buksan na ang pinto ng ‘yong puso

‘Di na, ‘di mo na kailangang mag-isa
Tapos na ang gulo
Kaya’t isara na ang bintana ng duda

Wala nang ibang maipapangako
Kundi habang ako ay nandito
‘Di magwawakas maligaya mong bukas
Porselana mong puso, iingatan ko

Lapit, ligtas ka na sa aking piling
may karamay ka na sa hirap at ginhawa
Sa bawat luha’t tuwa
Halika, ‘wag mabahala kung ika’y maligaw
Hayaan mo akong maging ilaw
Kandilang gabay mo sa dilim

Wala nang ibang maipapangako
Kundi habang ako ay nandito
‘Di magwawakas maligaya mong bukas
Porselana mong puso, iingatan ko

Hanggang Sa Dulo

Album: Dalawang Mukha ng Pag-ibig (2011)

Muling magtutuos ang liwanag at dilim
At pag-ibig ko ang aking patalim

Walang takot sumugod,
Umaalab ang damdamin
Laban puso, ‘wag susuko
Laban puso, ‘wag susuko

At sa pagsubok na ito
Ay hinding-hindi magpapadaig

Hanggang sa dulo ng daigdig
Hangga’t may pag-ibig ika’y manalig
Ano mang bagyo o delubyo
Pasan ka man ng mundo
Hanggang sa dulo
Hanggang sa dulo kakayanin ko
Matagpuan ka lang

Dinggin mo ang sigaw ng aking puso
Sinta ga’no ka man kalayo
Ano mang sugat ang aking matamo
Laban puso, ‘wag susuko

Hanggang sa dulo ng daigdig
Hangga’t may pag-ibig ika’y manalig
Ano mang bagyo o delubyo
Pasan ka man ng mundo
Hanggang sa dulo
Hanggang sa dulo kakayanin ko
Matagpuan ka lang